அடியேன் இயற்றிய பாடல்

 திருச்சிற்றம்பலம் 

முற்றும் கடந்த முன்னவனே
முன்னே தோன்றி முளைத்தவனே
முப்புரம் எரித்த முக்கண்ணனே
முதல்வனே  ஆலவாய் மேவியனே

அழகிய தேரினில் வருபவனே
அழகரின் தங்கையை மணந்தவனே
அடிமுடி அறியா மலையோனே
அம்பொன்னே  ஆலவாய் மேவியனே

தேடியும் காணாத என்னப்பனே
தேனினும் சுவையாய் இருப்பவனே
தேவர்க்கு அமுதினை ஈந்தவனே
தேவனே   ஆலவாய் மேவியனே

கொன்றை மாலை புனைந்தவனே
கொவ்வை செவ்வாய் உடையவனே
கொடுமுடி தரித்த மன்னவனே
கொடி மலர் கூடலில் மேவியனே

வெண்மழு கையினில் பிடித்தவனே
வெண்பொடி உடலில் தரித்தவனே
வெண்மதி சூடிய நின்மலனே
வெள்ளி அம்பலத்திலே மேவியனே
 
புற்றில் நாகம் அணிந்தவனே
கங்கையை சடையிலே முடிந்தவனே 
விடை மேல் ஏறிய வேதியனே
விமலனே ஆலவாய் மேவியனே
 
தக்கனின் வேள்வியை தகர்த்தவனே
காமனை கனலால் விழித்தவனே
நமனை காலால் உதைத்தவனே
ஐயனே ஆலவாய் மேவியனே
 
பிள்ளையின் குரல் கேட்டு வந்தவனே
அவன் தமிழினை வாதினில் காத்தவனே
காழியில் காட்சி தந்தவனே
அழகனே  ஆலவாய் மேவியனே
 
அப்பனின் நாவிலே நின்றவனே
அவன் சூளையை தவிர்த்து வைத்தவனே
அலை கடலில் அவனை காத்தவனே
அப்பனே ஆலவாய் மேவியனே
 
சுந்தரன் பாடிய சுந்தரனே
அவன் பாட்டுக்கு முதல் அடி தந்தவனே
நஞ்சினை அமுதன  உண்டவனே 
அன்பனே ஆலவாய் மேவியனே 

உமையொரு பாகம் அமர்ந்தவனே
உன்பக்தருக்கு அருளினை சுரந்தவனே
உன் திருமுகம் காண விளைந்தேனே
உன் மலரடி நான் சரன்பணிந்தனே. 

திருச்சிற்றம்பலம்